<br> <textarea style="text-align: center;" rows="50" cols="24">&lt; ;في مناجاة الله جل جلاله
***
گضیت العمــر بذنوبـي الاهي
وبــالآهــات لجـروحـي الاهي
رغم قُبحي وعُظم ذنبي إلاهي
ابرَحمتک حاجتي تگضیها إلیّه
***
إلاهي امتاني صفحک عن سوآلي
اوّضعـــي مــا تـغیـــّر عن سوالي
یمـن علمک ابحالـي عن سوالي
غنـانـي وإنـتظـر عـطـفـک علیِه
***
کریم ابرحمتک عالکون ضلّیت
وأبد مالحظه عن عیناک ضلّیت
تحت سطوِتک یامعبود ضلبیت
وحـاشه ابرحمتک تبخل علیّه
***
گضیت العمر بجروحي بسفراي
وباصرني زمان الهم بسفراي
علیک اتـوکّلت یارب بسفراي
ورحمتک واسعه الکل البریّه
***
إنه اللایذ ابغفرانک ورحماک
آره جنتک وره نارک ورحماک
إالهي أطمع ابغفرانک ورحماک
ذنوبـي اتلــول ونـهدمت علیّه
***
الشک مـادخل گلبـي أبد یارب
ومیهمنـي یسیل المـاي یارب
علیک اتـوکّل ابمسـراي یارب
ورحمتک واسعه الکل البریّه
***
اذنوبي إجبال صارت منهوَلها
وروحي غیر لُطفک منهوَلها
خـایف مــــن جهنّم منهوَلها
إشمذکرها تضیگ الارض بیّه
***
یرب اکون یالفضلک إلي حال
وچـم شدّه بـأثرشدّه إلي حال
غیّر حالي مـن حالٍ إلی حال
وطاقـة رزقک افتخها علیّه
***
یامـن لــولـفــاه العَـبِد یامـن
یامـن والمنـایـــه عَلَيْ یامـن
یامن لوعفتني ألتِتجي الیامن
یاـمن عالخلایـق مـن عـلّیه
&gt;</textarea>


XtGem Forum catalog