Lamborghini Huracán LP 610-4 t


ردت سيره بغرامك هاية سيرة

وطلبتك مني صدّك ها يسيرة

ردت روحي وجبتهه هاي اسيرة

جتفت الروح الك بثنين ادية




أخلي بدنيتي انه شارة بيهه

الرجولة اليوم يهتز شاربيهه

النوايب ماكليهه وشاربيهه

النوايب لاتظن كدرت عليه




ابعروكي اشلون ما ادري يرة الدم

الجرح يغفة وتفز عينه يرة الدم

الصبر عندي الدهر منه يردّم

مثل صبر الله يوم الغاضرية




ابد مابي نطينه وانطه فينه

ونطيناه فَي عمرنة وانطه فينه

شعلنه بنار حبه وانطفينه

وصرنه ارماد ذرنة اعله الوطيه


خراب اكليبي هلهل من عِمَر ليك

ودعة لربة يطوّل من عُمر ليك

قرار اشلون يصدر منع امر ليك

وتختمة ابمحضر الهجران اليه


وسفه الدهر شتتكم وطركم
حسافه ماكضه منهم وطركم
بذجركم هذا انه اهذي وكركم
يعيد الله شتتكم جمع ليه

زماني جرد اسيوفه وسنهه
عليه اوحرمت عيني وسنهه
وحق اللي فرض خمسه وسنهه
بعد هيهات عيش ايصير اليه

حبيبي دك بذرعانه ولجتاف
بضلعي جاسي اللبي ولجتاف
رضينه بحبس دندوشه ولجتاف
وهي سجاني وتفتر عليه

مر ولفي ايهبتني ومره هبته
ومره اوصلت يمه مره هبته
طحت مقدر يصاحب مره هبته
اسد يخسه الاسد ملقاه اليه

ابنار الهجر يامهجه دموعاي
على مصابي السمه يمطر دموعاي
اشما هلن يدندوشه دموعاي
حسناتج تبدل بالف سيه

سريتوا بالضعن ياترف هاوين
جفيتوني ولعند الغير هاوين
هاميت يحلو الطول هاوين
حياتي والنظر اقبالك عليه

وحم الالف واللامين والها
روحي بهوى ساهي العين ولها
لها ثغر وجبين وعين والها
خذ شبه البدر لو سطع ضيه

من مثلي دمع عيني يهلهه
سبب غالب على روحي يهلهه
وعلي تحيولكم ميت يهلهه
من تبدي ترد الروح اليه

حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه

وحك آية عصا موسى وسينا
الك حثت رجايبنه وسينا
الك حسن النبي يوسف وسينا
الي والنور الك والنار اليه

يحادي روعت قلبي بلحداي
يخايب لفني وياهم بلحداي
اون طول الدهر حتى بلحدي
على الساروا وخلوني شجيه

كل مغرم برت علته وناله
سعيد اللي حضه بشخصك وناله
الطارش من سمع نوحي وناله
ترك شغله وبجه رحمه عليه

حبيبي جفاك المعبودج صبراي
حبيبي كمت اكل للروح صبراي
حبيبي من ذكرتك نفذ صبراي
حبيبي يصب فراقك عليه

الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه

روحي والهوى ودنياي وعداي
علي وشلون اشيل الجدم وعداي
صابر وانتظر واشوف وعداي
ابفرح لو دوم وكتي محيط بيه

ابكثر مانوح ملوني يراني
طحت والشامت ابعينه يراني
يخوتي السبع من جسمي يراني
اكبال اهلي وعمامي اتشوف هيه

اف من زماني اه منه
على اللي عشرتي وياه منه
اكله الدرب هذا يكول منه
اكله فوت بيه يرد عليه

دمه دمع البيابي سال وانهات
عليك اكضي العمر حسرات وانهات
بهواك انه اعذلتني الناس وانهات
ما خذني الهوه غصبن عليه

المصايب بس على روحي تلافت
يقلبي اعله النكر طيبك تلافت
اون وعطامي بهجرك تلافت
طريح وساد دوب النفس بيه

عفاني جيف الى مهجه ولي روح
اداري بالعلل كلها ولي روح
ماني بحال من يبكه ولي روح
ابحالك يالقطعت الوصل بيه

روحي مشت وياهم وهامت
على الما بينت منهم وهامت
اجفوف اعليك اطيرها وهامت
واخلي ادموم تجري اعلى الوطيه

تهت محد من احباب علي شار
ينجيني الذي شمسه علي شار
حجيت المصلحه طلعت على شار
رجيت الغانمه صارت رديه

هذا اللي لعند اعضاي هد هد
ملهي وابد ماينصاد هد هد
اكله اقرب يقلي ليك هد هد
ارفع مشتهاك اشتظن بيه

مثل جنح الفراشه شفاك ورقه
وربيع الشوك منك راد ورقه
كل بوسه حبيبي اطيك ورقه
واذا حلك ابحلك دفتر هديه

-
سكر كأس الخمر من ضاك نفسك
واكو غيرك حلو بس ماكو نفسك
اريدك ياحبيبي اتبوس نفسك
بس ابداخلك تنويها اليه

-
نحبه وماكعد وياه حظنه
وجني من الدفو حسيت حظنه
انه ماريد طمع بس ردت حظنه
بس من الحظنه شيفكه من اديه

-
سهام عينك بكلبي حيل شرعا
وسفن حبك بخليج الروح شرعا
وردت مذهب يحلل بوس شرعا
واذا ماكو ارد للجاهليه

-
اهنا يلخذة روحي وانته بيه
المحاسن فرع منك وانته بيه
لاتحرك جبدتي وانته بيه
خوفي عليك مو خوفي عليه


ابن النهرين
شوف ملفه الشخصي
شوف كل المشاركات المكتوبة بواسطة ابن النهرين





--------------------------------------------------------------------------------
ابوذيات عراقيه جديده اجمل الابوذيات العراقيه الابوذيات العراقية غزل مجموعه من الابوذيات العراقيه

ياصاح عينك علي ليشالثكل من تمر
يلطعم شفتك شكر واحلى بعد من تمر
شتريد يجرى الك غالي علي من تمر
بغلاة الروح وبعد اغلى علية ...............

ودارت
لغيرك ماهوت روحي ودارت
ولا يوم انكرت حبهه ودارت
الك ياما دمع صبت ودارت
وعينك ماتصب دمعه عليه ................
ودارت
علية فترت الدنيا ودارت
واخفت كل حلو عني ودارت
على جروحي ملح صبت ودارت
وصحت كل جروح ألغفت بيه...............






--------------------------------------------------------------------------------

تلالي مثل چيس ابيض ولك شاف
وعونه الكحّل عيونه والك شاف
الك مبسم يفت روحي والك شاف
مرج بحرين وتلاگن سويه



شكثر حاچيت گلبي عظ عضيته
وصبعي من الندامه عظ عضيته
طمعت بشفاف ولفي وعظ عضيته
موطا بحلگ جاهل صفت هيه




أضل بشفافچ الحلوات مسبي
وجن العگل بيچ وصار مس بيه
قلم حمره يريت الگلب مس بيه
روحه بشفتچ وذابن سويه





مزنجر قفل گلبي عليك شفتك
تبريّد حيلي والله بيوم شفتك
سبحان الرسم عالوجه شفتك
الحلاه خلاها الك والضيم اليه




حبيبي من حلاها مره شفتك
وبعد عطشان يا سمر من رشفتك
لون فد يوم تصدف مره شفتك
جدك ما يخلصك مناديه



عليل شكثر گلبي بس تشافه
على الجسمه يلالي بس تشافه
بحلم غافلت ولفي وبست أشافه
أنتبهت الروحي أمص بچفوف أديه



أصد لبعيد أعاين شفته لاله
على الفانوس وجهه وشفته لاله
أهيس وسط شفتي شفته .... لا لا
ورد جوري أضن موشفه هيه



تهشم راس گلبي بيه هشم بيك
أخباري ماتسرك بيها شنبيك
ثغر شفتك حبيبي بيها أشم بيك
ريحة خوخ فاتح للشهيه



أحملت غصبن عليه جور أبيها
ودنيتي شكثر شايف جور بيها
الباري بشفته خلّه جوري بيها
لأن كلما اشمها تفوح هيه



بالحر والصحابه أقسمت مع جون
گلبي ويالهموم العليّ معجون
طماطه شفافچ الحلوات ...معجون؟؟؟!
الزمتهن صارت الحمره بديه



شفافك هذن يمدلل يلا تين
شكر طعّمهن الباري يلاتين
لاعد عرب موجوده يلا تين
گالوا عد حواري العين هيه



بحرنار آنه وانته يم شفاهي
وأنا بدوني حبيبي يمشي فاهي
لون دنيت شفتك يم شفاهي
أموت وعمري صاير ثلثميه



شتظن هم يوم الك روحي تامن لك
جزعت بس روحي ما تگدر تملك
أذا مايوم صح منك تملك
حواسم لااخذ الشفه اليه



أهديكم هذه المجموعة من الابوذيات
~~~~~~~~

ْْْْْْْْْْْْْْْْْْْْْْْْولك صه لاتكلي علمنصة

لكلمن عالمنصة علمنصة

تعرفه الخوش شاعر عالمنصة

يطك خشم السمه فوك الوطيه

ْ~~~~~~~~~~~~~~~~~~~

يغم وكتي عله حبلك منشراني

بعتني بسوك غدرك منشراني

اذا صاج انت جفك منشراني

وحك ربك اكطعه العال بيه

~~~~~~~~~~~~~~~~~

النوايب بيه جمعتهن مشابيك

وعلّي نشابهن يردف مشابيك

جتّالك فضل سوه مشابيك

انه لوحدي رحت جنّاز بيه

~~~~~~~~~~~~~~~~

علي مبرد زمانك وشراكه

وانا البايع الوادم وشراكه

كلتلي نصير واحد وشراكه

النفس ماله انكطع نفسك عليه

~~~~~~~~~~~~~~~

حرت ماكدّر العارف وشلباي

بسبب مجرى الدمع والدم وشلباي

صرت كلي جرح ينزف وشلباي

اشتبهت وخيطت جرحي عليه